«Ата-Бейит»
Мемориалдар
Борбору катары репрессия курмандыктарынын жаткан жайы алынып, калган композиция анын айланасында түзүлгөн.
I бөлүк 1938
Сталиндик репрессиянын курмандыктары
1938-жылы атылган 137 адамдын жаткан жайы жана репрессия музейи.
II бөлүк 1916
1916-жылдагы улуттук-боштондук көтөрүлүш
Улуу Үркүндүн 100 жылдыгына арналып 2016-жылы ачылган эстелик.
III бөлүк 1928–2008
Чыңгыз Айтматов
Улуу жазуучу атасы Төрөкулдун жанында жатат.
IV бөлүк 2010
7-апрель: Апрель окуясы
2010-жылдагы Апрель окуясынын курмандыктарынын эстелиги жана «Таазим» музейи.
V бөлүк 1999–2022
Баткен окуясы
Мекенди коргоп курман болгон жоокерлердин эстелиги.
Комплекс жөнүндө
Тарыхы жана курамы
"Ата-Бейит" Улуттук тарыхый-мемориалдык комплекси 2000-жылдын 14-июлунда ачылган. Комплекстин архитектору – К.Алыкулов. Жалпы аянты 2 гектарды түзөт. Ата-Бейит мемориалдык комплекси – тарыхый комплекс катары өзүнө төмөнкү эстеликтерди камтыйт:
- Борбору катары репрессия курмандыктарынын жаткан жайы алынып, калган композиция анын айланасында түзүлгөн. Мемориалдык комплекстин курамына скульптуралык композиция жана музей, 137 киши атылып, көмүлгөн кыш бышырган меш, мемориал-эстелик кирет. Ал эми музейдин экспозициясынын авторлору - А. Исраилова, О. Ильинская, К. Кималаев болушкан.
- 2008-жылы июнь айында кыргыз элинин улуу жазуучусу Чыңгыз Айтматовдун сөөгү Ата-Бейитке коюлуп, Ч.Т.Айтматовдун эстелиги жана көрүстөн үстүндөгү курулмасы коюлган.
- "Ата-Бейиттин" аймагында 2010-жылы болгон апрель революциясында көз жумган мекендештерибиздин 27синин сөөгү коюлду. Ошентип, 2010-жылдагы Апрель революциясынын баатырларына арналган «Бала-Бейит» мемориалдык комплекс пайда болду.
- Ал эми 2016-жылы 1916-жылдагы Үркүн трагедиясынын 100 жылдыгына арналып, алардын урматына атайын мемориалдык комплекс ачылды.
- 2024-жылы Баткен окуясынын курмандыктарына арналган комплекс тургузулду.